Oinarriak

Ekoizpen integratua ohiko nekazaritzaren eta nekazaritza ekologikoaren arteko erdibideko aukera da. Nekazaritza bizi eta iraunkorra ahalbidetzen du, ingurumena errespetatzen duena, nekazariarentzat errentagarria eta gizartearen eskariak betetzeko gai dena.

Sistema honetan, metodo biologikoak, metodo kimikoak eta laborantzako beste teknika guztiak kontu handiz hautatzen eta orekatzen dira, kontuan izanik ingurumenaren babesa, ustiategien errentagarritasuna eta kontsumitzaileek elikagaiei eskatzen dizkieten kalitatea eta segurtasuna.

Ekoizpen integratuak ez ditu baztertzen nekazaritzako ohiko teknikak, baina beste praktika berritzaile batzuekin uztarturik erabiltzen ditu. Horrela, baliabide desberdinak bateratuz, ekoizpen sistema zentzuzkoagoa lortzen da, ingurumen naturala gehiago errespetatzen duena eta, azken batean, iraunkorragoa.

Ekoizpen integratuaren printzipioak beteko direla bermatzeko, Nafarroako Ekoizpen Integratuaren Erregistroan ageri diren ustiategien arduradunek produkzio sistema horri buruzko gutxieneko ezagutza izan behar dute, edo bestela, ezartzen diren prestakuntza prozesuetan parte hartzeko konpromisoa hartu behar dute.