Gaur goizean lankidetza-hitzarmena sinatu dute Reyno Gourmetek eta Burlatako Lanbide Heziketako ikastetxeak, Nafarroako nekazaritzako elikagaien sektorearen eta ostalaritzako eta elikadurako ikasleen arteko lotura indartzeko.
Hitzarmenaren helburua Lanbide Heziketan kalitatea, berrikuntza eta eraginkortasuna sustatzea da, ikasleei Reyno Gourmet produktuen eta Nafarroako kalitate bereiziko zigiluen ezagutza hurbilduz eta lehen sektoreak eta nekazaritzako elikagaien sektoreak gure erkidegoan duten funtsezko zeregina balioestuz.
Ikasturtean zehar hainbat jarduera egingo dira: Nafarroako Aratxea eta Nafarroako Arkumea zatikatzeko tailerrak, landare-kontserbako prestakuntza, Nafarroako jatorri-deiturako ardoak, jatorri-deitura duten gaztak, olioak, patxarana, dastatzeak, masterclasseak, sukaldaritza-lehiaketak eta ikasleek ikasitako guztia praktikan jarriko duten lau catering egitea.
Irudian, ezkerretik eskuinera, Joseba Beitia, Reyno Gourmeteko koordinatzailea, eta Eneko Madinabeitia, CI Burlata FPko zuzendaria, ikastetxeko ikasleekin batera.
