- Reyno Gourmet
- Nafarroako Elikagaiak
Kalitate Deiturak
Elikagai Bereziak
- Ekitaldiak
- Albisteak
- Errezetak
- Azokak
Produktu ekologikoek ekoizpen ekologikoari buruzko aipamenak egiten dituzte etiketetan, babestutako terminoak erabiliz: “ekologikoa”, “biologikoa” edo “eko” eta “bio” (laburdurak).
Nekazaritza ekologikoarekin elikagai seguru eta osasungarriak ekoizten dira, eta horretaz gain, gure lurraldeko ekonomia, gizartea eta ingurumena kudeatzeko tresna ezin hobea da.
Nafarroako orografiagatik eta kokapen geografikoagatik, lurraldean zenbait klima daude.
Klima bateratze horren ondorioz, aprobetxamendu-aniztasun handia dago, eta sektore ekologikoan ordezkatutako nekazaritza-ekoizpen ugari sortzen dira.
Nafarroako Nekazal Produkzio Ekologikoaren Kontseilua- Consejo de la Producción Agraria Ecológica de Navarra (NNPEK-CPAEN) 1996. urteaz geroztik, nekazaritza-jarduera ekologikotik eratorritako elikagaien kontrolaz, ziurtapenaz eta sustapenaz arduratzen da. NNPEK/CPAEN 25 urte daramatza Nafarroako produktu ekologikoak ziurtatzen eta sustatzen, 25 urte lurra zaintzen eta herritarrei elikagai osasungarriak eta jasangarriak ematen.
Ziurtapenak kontsumitzaileari bermatzen dio elikagai ekologikoak lortzeko erabilitako metodoak indarreko araudiaren araberakoak direla. NNPEK-k hauxe bermatzen du:
Nekazaritza ekologikoak, beraz, elikagai seguru eta osasungarriak ekoizten ditu, baina, gainera, tresna ezin hobea da gure lurraldearen ekonomia, gizartea eta ingurumena kudeatzeko eta, hala, guk aurrera egiteko elikagaien arloko subiranotasuna lortze aldera.
Europar Batasuneko ekoizpen ekologikoko elikagaiak “Eurorriaren” ikurraren bidez identifikatzen dira. “Eurorria” etiketak bermatzen du elikagai horrek analisi eta kontrol zorrotzak gainditu dituela.
Etiketak, gainera, kontsumitzaileari adierazten dio produktua egiten erabili diren lehengaiak edo osagaiak nongoak diren (non landatu diren), honako jarraibideak erabiliz: “EBko nekazaritza”, “ez EBko nekazaritza” edo “EBko/ez EBko nekazaritza”.
Nafarroan, ziurtagiri hori NNPEK/CPAENek egiten du, eta zigilu hori lortzeko eta mantentzeko, kontrol zorrotzak egiten dira urtero, bai elikagaien gainean, bai landatzen diren lurren gainean. NNPEK Europar Batasuneko Kontroleko Autoritate gisa identifikatzen duen kodea hauxe da: “ES-ECO-025-NA”.
Nekazaritza ekologikoa nekazaritza-kudeaketarako eta nekazaritzako elikagaien ekoizpenerako sistema orokorra da, eta ingurumen-jardunbide onenak, biodibertsitate-maila handia, baliabide naturalen babesa eta animalia-ongizateari buruzko arau zorrotzak aplikatzen ditu, zenbait kontsumitzailek substantzia eta prozesu naturaletatik lortutako produktuengatik dituzten lehentasunen arabera.
Gizartearen, paisaiaren eta elikaduraren kultura da, interes publikoko ondasuna, eta ingurumen-, gizarte- eta ekonomia-garapenerako politikak garatzeko tresna izan behar du.
Reyno Gourmet-eko nobedadeen, ekitaldien, lehiaketen eta sustapenen berri izan nahi duzu? Utzi zure helbide elektronikoa, eta, aldian-aldian, gure buletina jasoko duzu zure posta elektronikoan sarrerako ontzian.
Serapio Huici etorbidea, 22
Edificio Peritos | 31610 Atarrabia
Tfno. 948 01 30 45
Email: info@reynogourmet.com
