Erronkari
Gazta

DO Gazta Erronkari Latxa eta Nafarroako ardi arrazetako esne gordineko gazta bat da, gutxienez lau hilabetez ondua eta Erronkari Harana osatzen duten zazpi udalerrietako batean bakarrik egiten dena: Uztaroz, Izaba, Urzainqui, Erronkari, Vidangoz eta Burgi.

www.quesoroncal.com

Babespeko eremua

Erronkari gazta egiteko esnea Nafarroako edozein tokitatik ekartzen ahal da. Baina gaztak egin eta ondu, hori, Erronkari Ibarreko zazpi udalerrietan bakarrik egin daiteke: Uztarrozen, Izaban, Urzainkin, Erronkarin, Garden, Bidankozen eta Burgin.

Gutxi dira Erronkari ibarrekoa bezalako paisaiak, oraindik ere bidaiariari natura ukitu gabearen edertasuna eskaintzen ahal diotenak, giza aberastasunaren eta aberastasun ekologikoaren konbinazio harrigarrian. Klima kontinentala da. Neguan elur ugariak eskian aritzeko leku aproposa bihurtzen du ibarra, eta uda eguzkitsu eta lehorrek bertako mendi hegal berdeetan ibiltzera gonbidatzen dute.

Ezaugarriak

Erronkari gazta zilindrikoa da, azal lodi samarra, trinkoa eta ebakitzerakoan laster hausten dena, itxia baina zulo txiki erregularrez josia.

Boliaren antzeko kolore zuri-horixka du eta zapore sendoa, nabarmena, min samarra, oso berezia eta gurintsua.

Esnea, gatzagia eta gatza ditu osagai bakarrak. Beraz, inoiz ez ditu galdu berezko zaporea eta aroma

Erronkariko Jatorri Deitura Babestuan, gutxienez lau hilabeteko heltze-prozesu laburra duten gaztetatik hasi eta bederatzi edo hamar hilabete baino gehiagoko heltze-prozesua duten gaztak aurki ditzakegu.

 

Kilo bateko, hiru kiloko edo zatika prestatzen dira, eta beti daramate agerian zenbakitutako kontraetiketa bat eta Deituraren logotipoa.

Historia

Erronkari gazta izan zen lehena Espainiako Gazten Jatorrizko Deitura jasotzen, Nekazaritza Ministerioak 1981eko martxoaren 2an emandako Aginduaren bidez. Geroago, Nafarroako Gobernuko Nekazaritza, Abeltzaintza eta Elikadura Departamentuak 1989ko uztailaren 3an emandako Foru Aginduaren bidez, Jatorrizko Deituraren eta haren Kontseilu Arautzailearen Erregelamendua onetsi zen.

Kontseilu Arautzailearen helburu nagusiak gaztagintza sustatu, ikertu eta kontrolatzea eta produktuaren kalitatea hobetzea dira. Horretarako tresna hauek ditu: enpresa guztien esne laborategiak gainbegiratzen duen homologazioa, gazta fabriken nahiz abeltzainen erregistro iraunkorrak, gazten balorazio organoleptiko edo zentzumenezko egiten duen dastatze batzorde ofizial bat, eta laborategi egokietan egiten diren kontrol fisiko-kimikoak

Harremanetarako

Erronkari Gazta JD

Egiaztapena

INTIA, Nekazaritzako Elikagaien Teknologia eta Azpiegituren Nafarroako Institutua, S.A.k ikuskatzen ditu laborantza-, elaborazio-, ontziratze- eta etiketatze-prozesu guztiak. Hau da BJDaren kontrol-erakundea, hartutako produktuak bere Baldintza-Agirian eskatzen diren baldintzak betetzen dituela bermatzeaz arduratzen dena.

INTIA ENACek (Egiaztatze Erakunde Nazionala) akreditatuta dago, UNE-EN ISO/IEC 17065:2012 Europako Arauaren arabera.

Ezarritako ziurtapen-sistema honetan datza:

Esnea ekoizpen-eremuaren barruan dauden inskribatutako abeltzaintzetatik dator soilik.
Esnea jeztea, hoztea, kontserbatzea, biltzea eta garraiatzea Kontseilu Arauemaileak kontrolatzen du.
Gazta elaborazio-eremuko gaztandegietan egiten da, Kontseilu Arauemaileak kontrolatuta.
Gaztaren ontzea eta kontserbatzea Kontseilu Arauemaileak inskribatutako eta kontrolatutako lokaletan egiten da.
Ekoitzitako gaztari dagozkion analisi fisiko-kimikoak eta organoleptikoak egiten zaizkio, haren kalitatea bermatzeko.

Erronkari Gazta

Salgai daude heltze-prozesu ezberdina duten Erronkari Gaztak, gutxienez lau hilabeteko laburra duten gaztetatik hasi eta bederatzi edo hamar hilabete baino gehiagoko heltze-prozesua duten gaztak aurki ditzakegu. Kilo bateko, hiru kiloko edo zatika prestatzen dira, eta beti daramate agerian zenbakitutako kontraetiketa bat eta Erronkari Jatorri Deituraren logotipoa eta Reyno Gourmeten logotipoa.

Gainera, BJDak babestutako produktua denez, etiketak Europako Jatorri Deituraren logotipoa izan dezake.


Plater mota
Hasierako platerra
Pertsonak
4 Personas
Denbora
30 Minutos

Gaztagintza

Erronkari Gazta Jatorri Deituraren jakia ardi-esne gordinez egina dago. Produktu erabat naturala da, ardi osasuntsuak jeztetik lortzen dena, batez ere latxa arrazakoak, larre eta bazkaz elikatzen direnak.

Erronkariko Gaztaren elaborazioa guztiz artisaua da, metodo tradizionalari jarraituz. Gazta egiteko esnea, gatzagia eta gatza ditu osagai bakarrak. Beraz, inoiz ez ditu galdu berezko zaporea eta aroma.

Gutxieneko, ontzen 4 hilabete eman behar du, eta, horri esker, poliki-poliki bere aroma, testura eta zaporea bereganatzen ditu.

Nola gorde gazta

Erronkari gazta bere ezaugarri bikainak galdu edo moteldu gabe gordetzeko, gomendio hauetako bati jarraitzea da onena:

Plastikozko poltsan gorde:
  • Komeni da poltsa arrunta erabiltzea eta ez paper plastifikatu gardena. Azala plastiko batez estu-estu estaltzen badugu, hezetasun horri ez diogu kanporatzen utziko eta gazta osoa beratu eginen da. Plastikozko poltsak, aldiz, gaztari izerditzen uzten dio. Hozkailuan mantentzea da gomendioa, tenperatura txikiko aldean, gazta ez da produktu hila eta haren barnean aurrera egiten dute ontze prozesu naturalek. Hozkailuak ontze natural hori galgatzen du eta gaztak zapore sendoegia har dezan eragozten du.
Ontzi hermetikoan sartu:
  • Gazta kontsumitzen hasi bagara, geratzen den zatia plastikozko ontzi hermetiko batean itxi, ogi zati siku batekin, eta hozkailuan gordetzen da. Hartara ogiak hezetasuna xurgatuko du eta gazta babestuko du, ez dadin urdindu ez gehiegi sikatu. Ogia urdinez estalita dagoela ikusten denean aldatu egin behar da.

Bai kasu batean, zein bestean, gazta dastatu baino ordubete lehenago gutxienez, kontsumituko den zatia ebaki eta gainerakoa berriz sartuko da hozkailuan, gehiegizko hartzidura eragiten duten tenperatura aldaketak saihesteko. Ordubete horretan gaztak giro tenperaturan egon behar du epeltzen, hozkailuan zuen hoztasunak zapore asko kentzen diolako.

This site is registered on wpml.org as a development site.