Plater mota
Plater nagusia
Pertsonak
35 minutu
Denbora
4 pertsona
- Reyno Gourmet
- Nafarroako Elikagaiak
Kalitate Deiturak
Elikagai Bereziak
- Ekitaldiak
- Albisteak
- Errezetak
- Azokak
Artisau Elikagaiak honako ezaugarri hauek dituzten produktuak dira: elaborazioan erabilitako lehengaiak lehen kalitatekoak dira, eta egoera erabat naturalenean daude, elaborazioan prozesu naturalak errespetatzen edo imitatzen direlako eta lehengai naturala simulatzen duten edo iraungipena produktuaren balioen kontura areagotzen duten gehigarrien erabilera mugatuta dagoelako.
Artisau Elikagaiak markak produktuaren berezko ezaugarriak ziurtatzen ditu, eta ezaugarri horiek era kualitatiboan bereizten dute izaera bereko beste produktu batzuetatik, eskuarki araututakoetatik. Halaber, produktu tradizionalen ezaugarri espezifikoak ziurtatzen ditu, Estatuko edo Erkidegoko araudiak definitzen ez dituenak.
Nafarroako Artisau Elikagaiak logotipoa duten produktuek Nekazaritzako Elikagaien Artisautza Lanbideen Errepertorioan sartuta egon behar dute, eta lanbide bakoitza Artisautza Arau Tekniko Espezifikoek arautzen dute.
Lanbideek era guztietako produktuak biltzen dituzte: barazkiak, haragiaren eratorriak, edariak, eztia, pastelak, gozogintza, opilak, gozokiak, ogi izoztuak, jaki prestatuak, oliba-olio birjina estra eta kontserbak.
Benetako produktuak dira, egiazkoak eta tradizionalak.
‘Nafarroako Artisau Elikagaiak’ kalitate goreneko lehengaiekin ekoizten dira, egoera erabat naturalean eta hautaketa-prozesu zorrotz bati jarraiki.
Elaborazio prozesuak prozesu naturalak errespetatu edo imitatzen ditu, prozedura fisiko edo kimikoen bidez behartu edo azeleratu gabe.
Gehigarrien erabilera mugatuta dago; gehigarri horiek, legez baimenduta egon arren, lehengai naturala simulatzen dute, kolorea, testura, usaina edo zaporea aldatuz edo iraupena handituz, produktuaren balioen kontura.
Enpresa txikiak dira, familia-egitura dute eta hamar langile baino gutxiago. Ekoizpen-prozesuaren buru artisaua bat dago, eta berak lanean zuzenean parte hartzen du. Ekoizpen mota horren ezinbesteko baldintza da elaborazio-prozesuaren zati bat eskuz egin behar dela; nahiz eta lanaren zati batzuetan mekanizazio-maila jakin bat onartzen bada ere.
Artisau Elikagaien industriek metodo tradizionalak jarraitzen dituzte, ez dute gehigarririk erabiltzen edo gehigarri naturalak erabiltzen dituzte, eta produktu osasungarriagoak ekoizten dituzte.
Landa Garapeneko, Ingurumeneko eta Toki Administrazioko Departamentuak ematen du Nafarroako Artisautza Lanbideen Errepertorioa zerrendak aintzat hartzen dituen lanbideetako artisau-pertsona edo -enpresa izatearen aitorpen ofiziala. Dagokion artisau-kalifikazioko diplomaren bidez egiaztatzen da eta Nekazaritzako Elikagaien Artisau Enpresen Erregistroan inskribatzen da.
Ondoren, Nekazaritzako Elikagaien Artisautza Lanbideen Errepertorioa erakusten da, “Artisau-elikagaiak” sailkatuz. Lanbide bakoitza Artisautzako Arau Tekniko Espezifikoek arautzen dute.
Zukuak, marmeladak eta fruta- eta barazki-kontserbak egitea.
Sagardoa, likoreak, pattarrak eta hartzidura naturaleko ardo aparduna egitea.
Ontzutuak, ozpinetakoak eta gazituak egitea.
Gaztak, gaztanberak eta gatzatuak egitea.
Eztia eta produktu eratorriak eta basa-esentziak eta esentzia deribatuak manipulatzea eta elaboratzea.
Sendabelarrak eta landare usaintsuak erabiltzea.
Haragi-kontserbak, pateak, hestebeteak eta urdaiak egitea.
Pastelgintza, gozogintza eta ogi bereziak egitea.
Mistela, ezti-ura eta ardo mindua egitea.
Izozkiak egitea.
Aurrez prestatutako jakiak egitea.
Oliba Olio Birjina Estra elaboratzea.
Arrain-kontserbak egitea.
Egun dugun “Artisau Elikagaiak” markaren jatorria zortzi enpresen ekimenaren ondorioa da. Enpresa horiek elkartzeko beharra ikusi zuten, bi helburu nagusirekin: artisau-produktuen normalizazioa eta horien kontrola.
Nekazaritzako elikagaien artisautzari buruz garai hartan zegoen araudia 103/1994 Foru Dekretua zen, eta, argi eta garbi, ez zen nahikoa; izan ere, artisaua eta artisau-enpresa oso modu zalantzagarri batean definitzen zituen, eta artisau-produktua eta babespeko produktuak bermatuko zituen kontrol-sistema bat ezarri gabe uzten zituen. Gauzak horrela, Elkarteak Barne-funtzionamendurako Araudi bat sortu zuen, eta hortik eratorri zen Nafarroako Nekazaritzako Elikagaien Artisautza arautzen duen Xedapen Arautzailea, Nafarroako Gobernuaren 2000ko maiatzaren 29ko Ebazpenean jasoa. Xedapen Arautzailean jasotzen dira artisau-produktuak bete behar dituen ezaugarriak, produktu edo produktu-multzo bakoitzaren Arau Tekniko Espezifikoak, Nekazaritzako Elikagaien Artisautzaren logotipoa (elkarteak berak utzia) eta kudeaketa eta kontrola INTIA sozietate publikoaren esku uztearen onarpena.
Nafarroan, nekazaritzako elikagaien artisautza arautzen da maiatzaren 23ko 103/1994 Foru Dekretuari jarraiki. Landa Garapeneko, Ingurumeneko eta Toki Administrazioko Departamentuak ematen du Nafarroako Artisautza Lanbideen Errepertorioko zerrendak aintzat hartzen dituen lanbideetako artisau-pertsona edo -enpresa izatearen aitorpen ofiziala. Dagokion artisau-kalifikazioko diplomaren bidez egiaztatzen da eta Nekazaritzako Elikagaien Artisau Enpresen Erregistroan inskribatzen da.
Nekazaritzako Elikagaien Teknologia eta Azpiegituren Nafarroako Institutuak kontrolatzen du ekoizpen-prozesu guztia, Kontrol eta Ziurtapen Erakundea baita.
Oso erraza da ‘Artisau Elikagaiak’ merkatuan identifikatzea. Aski da ziurtatzea aukeratutako produktuak Artisau Elikagaiak Nafarroa markaren logotipoa edo Alimentos Artesanos Navarra gaztelaniazko bertsioa duela, Nekazaritzako Elikagaien Artisautzaren Arau Erregulatzaileak betetzen dituela adierazten baitu. Gainera, horietako askok Artisau Elikagaien eta Reyno Gourmeten zigilu bikoitza dute.
Zuzenean eros daitezke lantegian, azoketan eta merkatuetan, denda espezializatuetan edo “delicatessen” dendetan, eta horietako batzuk supermerkatu handietan ere bai.
Reyno Gourmet-eko nobedadeen, ekitaldien, lehiaketen eta sustapenen berri izan nahi duzu? Utzi zure helbide elektronikoa, eta, aldian-aldian, gure buletina jasoko duzu zure posta elektronikoan sarrerako ontzian.
Serapio Huici etorbidea, 22
Edificio Peritos | 31610 Atarrabia
Tfno. 948 01 30 45
Email: info@reynogourmet.com
