Nafarroako hiru Idiazabal Gazta JDB eta Nafarroako Olioa JDko bi dolare garaile Madrilen Gourmets Erakusketan

Lekarozko Kortaria gazta, Uztegiko Antsoneako gazta eta La Maja eta Artajoko olioak saritu zituzten 12. “Gourmet Gazta Txapelketa”-ko finalean eta azokako “Oliba Olio Birjina Estraren I. Mundu Lehiaketan”.

Gourmet Gazta Txapelketa atzo amaitu zen Madrilen, Gourmets Erakusketan. Aurtengoa 12. edizioa izan da. Idiazabal Gazta JDB duten hiru gazta nafar saritu dituzte. Horrez gain, Oliba Olio Birjina Estraren Munduko Lehiaketa ospatu da eta amaieran Nafarroako bi dolarek lortutako finalisten akzesitak ere nabarmendu behar dira.

Nafarroako gazta sarituak dira: Lekarotzeko Kortaria gaztandegikoak. Gaztandegiak “urrezko” bi sari eraman zituen gazta ketuen eta ardi-gazta  erdionduaren kategorietan; Uztegiko Antsonea gaztandegiak bigarren saria lortu zuen artzain pasta gogorraren kategorian.

Bestalde, Mendabiako La Maja olioaren eta Fontellaseko Artajo olioaren dolareek, ( biak Reyno Gourmet markaren babespekoak) akzesit bana lortu zuten fruitu helduaren eta ekologikoaren kategorietan, hurrenez hurren, Gourmets Erakusketan ospatutako OOBEren munduko lehiaketan.

 

Erreferentziako lehiaketak

Gourmets Aretoaren 35. edizioa ospatu berri da, eta, Elikagaien eta Kalitateko Edarien Azoka honetan, atzo eman ziren 2022ko Espainiako Gazta Onenen Txapelketako sariak. Gourmet Gazta Txapelketa 2009an hasi zen eta dagoeneko herrialdeko erreferentzia gisa finkatuta dago bere hamabigarren edizioan. Aurtengo finalerdian 868 gaztak parte hartu zuten; horietatik 90 finalera iritsi ziren. Lehiaketa hainbat faseetan garatu zen eta orotara 64 epailek itsu-itsuan dastatu zituzten laginak. Gaztaren sektore guztietako profesionalak bildu zituen panel horrek: teknikariak, gaztagile maisuak, dendetako arduradunak, blogariak, kazetari gastronomikoak, sukaldariak, saltoki handietako erosketen arduradunak eta jatetxeetako aretoetako buruak. Txapelketak hamabost kategoria saritzen ditu, Espainiako Gazta Onenaren irabazle bat aukeratzeaz gain. Aurten  saria Jaenera joan da, Guarromango Olavidia gaztandegira, hain zuzen ere.

INTIAko Kontrol eta Ziurtapen arloko arduraduna, Chelo Dolado, Munduko OOBE Gourmets Erakusketaren Oliba Olio Birjina Estra Txapelketaren lehen edizioan olio finalistak erabaki zituen dastatze-panelaren parte izan zen aurten. Dolado Nafarroako Foru Erkidegoko Oliba Olio Birjina Estraren Dastatzaileen Panela osatzen du, egun burua delarik, eta, Gourmets Azokan beste 17 aditurekin partekatu zuen panela; beste autonomia-erkidego batzuetatik eta Italiatik, Japoniatik edo Greziatik etorritakoak.

Finaleko dastatze-saioa ekitaldi honetarako egokitutako areto isolatu batean egin zen, eta zortzi dastatzaile adituren bi panelekin konformatu zen. Horiek OOBEren finalistak baloratu zituzten, eta horien artean OOBE sarituak atera ziren. Sektoreko nazioarteko profesionalen epaimahaiak 7 sari banatu zituen, tipologiaren, ezaugarri organoleptikoen eta diseinuaren arabera.

Gainera, lau egunez, hainbat elikadura-sektoretako 12 enpresa nafarrek batera parte hartu dute, Navarra-Reyno Gourmeten irudiarekin, Gourmets Erakusketaren 35. edizioan. Ekitaldia IFEMAn egin zen, eta ostegun arratsaldean amaitu zen.

Partekatu
Facebook
Twitter
LinkedIn
Email
WhatsApp