Erronkariko JDBko gazta batek urrezko domina irabazi du Erresuma Batuan ospatutako World Cheese Awards sarien azken edizioan. Larra Gaztak Reyno Gourmet enpresak egindako gazta da, eta Quorum Internacional enpresa banatzaileak aurkeztu du lehiaketara. Hain zuzen ere, ‘Pirinioetako Altxorra’, Erronkariko Haraneko Burgin dagoen Larra Gaztak enpresako latxa ardiaren esne gordinez egindako artisau-gazta ondua da.Reyno Gourmet markako Erronkari JDBko beste gazta batek zilarrezko domina irabazi du. Enaquesak Ronkari Rare Edition edizio mugatuko gazta aurkeztu zuen lehiaketara, zilarrezko kategorian saritua izan dena. Nafarroako beste hiru gaztandegi ere saritu dituzte zilarrezko domina batekin.
Gainera, hamaika gaztandegi saritu dituzte brontzezko kategorian.
World Cheese Awards sarien 34. edizioa
World Cheese Awardsek, gaztaren sektorerako erreferentziazko nazioarteko lehiaketak, Nafarroan egindako gazta mota ugari saritu ditu bere hogeita hamalaugarren edizioan. Newporten (Gales Erresuma Batua) ospatu den Munduko Gazta Txapelketa honen 2022. edizioan.
Saritutako produktuek fase desberdinak igaro dituzte azken hautaketara arte. Guztira, 42 herrialdetako 4434 gaztek hartu dute parte munduko gazta txapelketan. Gaztak mundu osotik bidaltzen dira, egun bakar batean langile teknikoek, enpresa erosleen ordezkariek, txikizkariek eta gastronomia-kritikoek osatutako taldeek epai ditzaten.
Gazta aukeraketa hori munduko onentzat jotzen da, eta ondoren, adituen epaimahaiak bigarrenez ebaluatzen ditu. Azkenean, azken ebaluazioko txandan txapelduna hautatzen dute.
